Reliance Result : आर्थिक वर्ष 2024-25 च्या तिसऱ्या तिमाहीत रिलायन्सचा नफा वाढला आहे.
Reliance Result : रिलायन्स इंडस्ट्रीज लिमिटेडने आर्थिक वर्ष 2024-25 च्या तिसऱ्या तिमाहीत मोठी कमाई केली आहे. मुकेश अंबानींच्या या कंपनीच्या निव्वळ नफ्यात 7 टक्क्यांनी वाढ झाली आहे. तसेच, Jio ने ऑक्टोबर 2024 ते डिसेंबर 2024 दरम्यान कंपनीची कमाई आणि नफा वाढवण्यात मोठी भूमिका बजावली आहे. जिओ इन्फोकॉमचा नफा 24 टक्क्यांनी वाढला आहे.
शेअर बाजाराला दिलेल्या माहितीत रिलायन्सने सांगितले की, चालू आर्थिक वर्ष 2024-25 च्या ऑक्टोबर-डिसेंबर तिमाहीत त्यांचा एकूण निव्वळ नफा 18,540 कोटी रुपये झाला आहे. यापूर्वी आर्थिक वर्षाच्या याच तिमाहीत कंपनीने रु. 17,265 कोटी नफा कमावला होता. तर, चालू आर्थिक वर्षाच्या जुलै-सप्टेंबर तिमाहीत कंपनीचा नफा 16,563 कोटी रुपये होता. देशातील सर्वात मोठी कंपनी असलेल्या रिलायन्स इंडस्ट्रीज लिमिटेडचा आर्थिक वर्षाच्या तिसऱ्या तिमाहीचा निव्वळ नफा 7.4 टक्क्यांनी वाढून 18,540 कोटी रुपये झाला आहे.
जिओच्या नफ्यात वाढ
आर्थिक वर्षाच्या ऑक्टोबर-डिसेंबर तिमाहीत भारतातील सर्वात मोठी दूरसंचार कंपनी रिलायन्स जिओच्या निव्वळ नफ्यात 24 टक्क्यांनी वाढ झाली आहे. फी वाढीमुळे कंपनीची प्रति ग्राहक सरासरी कमाई वाढली आहे. गुरुवारी शेअर बाजाराला दिलेल्या माहितीत कंपनीने सांगितले की, स्टँडअलोन आधारावर निव्वळ नफा डिसेंबरच्या तिमाहीत 6,477 कोटी रुपयांवर पोहोचला आहे, जो गेल्या आर्थिक वर्षाच्या याच तिमाहीत 5,208 कोटी रुपये होता.
(Reliance Results)
वाल्मिक कराड दिल्लीत Amit Shah यांना भेटला; अंजली दमानियांचा मोठा गौप्यस्फोट
